top of page

HERBARIO

     Durante o mes de marzo, nas distintas saídas organizadas polo centro, fixemos prácticas de recollida de mostras, etiquetado e prensado. Ademais, ao longo do curso, o alumnado foi traendo plantas prensadas e/ou frescas, para facer o labor de prensado no laboratorio do instituto.

    

     Con todo este material organizamos un herbario e unha exposición, na que os rapaces e rapazas de todo o instituto puideron utilizar a aplicación AURASMA (realidade aumentada) instalada nos iPad do centro, para visualizar sobre as  mostras prensadas a fotografía de cada exemplar na súa contorna natural.

 

    Coa aplicación instalada no móbil ou tableta, podes escanear as imaxes que aparecen máis abaixo e comprobar o seu funcionamento.

     Nesta exposición, ademais das plantas prensadas, foron expostos os traballos artísticos realizados polo alumnado de 1º e 4º ESO e o libro-herbario sobre as herbas de San Xoán, elaborado pola alumna Ana Cortizo Moledo (3ºA) que inclúe fotografías, mostras prensadas e información de cada unha das plantas.

    Tamén foron expostas as prensas utilizadas para secar as plantas e os libros que consultamos durante o desenvolvemento do noso proxecto:

  • VV.AA. Plantas medicinales y curativas: Atlas ilustrado, Susaeta, 2011.

  • VV.AA. Herbario de plantas silvestres, Larousse, 2009.

  • SANMARTIN, L.A. e LAGO CANZOBRE, H., Flora do litoral galego, Xerais, 1998.

    Ademais, os alumnos e alumnas puideron participar nunha proba de identificación olfactiva dunha serie de plantas aromáticas.

bottom of page